Tutto chiede salvezza

ဒန်နီရယ်ဆိုတဲ့လူငယ်လေးဟာ ဘော်ဒါတစ်သိုက်နဲ့ နိုက်ကလပ်မှာ အပီကဲ၊ အိပ်ပျော်အောင် ဆေးလေးဘာလေးချပြီးသကာလ အိမ်လည်း ပြန်ရောက်ရောမူးမူးနဲ့ အိပ်ပျော်သွားတယ်ပဲဆိုကြပါစို့။ မနက်ရောက်တော့ သူ့စောင်ပေါ်မီးတင်ရှို့ခံရလို့နိုးလာရာကနေ သူဆေးရုံကုတင်ပေါ်ရောက် နေမှန်းသိလိုက်ရတယ်။ ရိုးရိုးဆေးရုံ မဟုတ်ပဲ စိတ်ကျန်းမာရေးဆေးရုံ ဖြစ်နေတာပါပဲ။ အဲ့ကဆရာဝန်က သူဒီမှာတစ်ပတ်တိတိ ကုသမှုခံယူရမယ်လို့ပြောလိုက်တော့ သကောင့်သားကမျက်ကလူး ဆန်ပြာနဲ့ထငြင်းပါလေရော။ လောကဓံဆိုတာကြီးက ပျော်တဲ့သူကိုငိုအောင်၊ ငိုတဲ့သူကိုပျော်အောင် ကျီစားတယ်ဗျ။ လူတွေအားလုံးမှာသူ့အကြောင်းနဲ့သူချည်းပါ ပဲ။ ကံကောင်းခြင်းတွေစုနေရာကနေ ကံဆိုးခြင်းတွေ ဗြုန်းခနဲပေါ်လာတတ်တာပဲမလား။ ဒန်နီရယ်တွေ့ရမယ့်သူတွေကလည်းအဲ့လိုပဲပေါ့။ သူဘာလို့အဲ့ဆေးရုံကို အပို့ခံရတာလဲ။ သူမမှတ်မိတဲ့အရာတွေကဘာတွေလဲ။ အဲ့ဆေးရုံမှာနေရင်း သူဘာတွေသင်ယူလာရမလဲ။ အဲ့ဆေးရုံကတခြားလူနာတွေနဲ့အတူတူ တစ်ပတ်တိတိ ဘယ်လိုနှစ်ပါးသွားရမလဲဆိုတာကို ကြည့်ရှုရမှာပဲဖြစ်ပါတယ်ဗျာ။