Свежына з салютам

Гэтая добрая і смешная гісторыя здарылася ў невялікай беларускай вёсачцы пад самае Каляды, дзе сярод спагадных аднавяскоўцаў жывуць два старадаўніх прыяцеля Язэп і Сцяпан. Першы - аматар палявання, рыбалкі і ўсякіх іншых прыгод. Другі славіцца ў сяле майстрам на ўсе рукі. А пачалася гісторыя з прыезду Анатоля - сына Сцяпана, новаспечанага армейскага лейтэнанта, які атрымаў трохдзённы водпуск для жаніцьбы на прыгажуне Любові, унучцы спрытнай і бойкай бабкі Галіны. І, як водзіцца здаўна ў славян, пачалася вясёлая падрыхтоўка да сапраўднага вясковага вяселля... Апошнія перад вяселлем клопаты Сцяпана і яго жонкі, бліжэйшых суседзяў і сяброў Язэпа і Хаўроські, закаханых Анатоля і Любы, яе бабкі Галіны становяцца падставай для вясёлай блытаніны.